Sekreterê Giştî yê Hîzbullahê Hasan Hasrallah li Beyrûtê di ‘Şeva îhya ya Aşurayê’ de axivî û diyar kir ku pozîsyona wan a di şerê li Rojhilata de, li dijî Selefiyên ku dixwazin her kesî tine bikin e.

Nasrallah destnîşan kir ku şer û krîza ku li Rojhilata Navîn rû daye, ji pevçûna Şîa-Sunnî wêdetir e û bang li aliyê Sunnî kir ku tiştên tên jiyîn bibînin û bi baldarî tevbigerin.

EGER HÎZBULLAH TINEBÛYA DÊ DAIŞ LI LUBNANÊ JÎ BELAV BIBÛYA

Nasrallah di mijara şerê diqewime de bang li aliyê Îslamî yên Sunnî kir ku rewşê fêm bikin û li gorî wê tevbigerin û wiha got: “Şerê me ne li hemberî Sunniyan e. Yên ku dixwazin tine bikin û bi pelçiqînin yên yek fikrparêzin û Îsraîl e.

Hasan Nasrallah ji ber bûyerên Trablusê ku gelek kesî ji pevçûnan de jiyana xwe ji dest daye jî aliyên îslama sunî berpirs dît û wiha berdewam kir: “Yên ku ev musîbet li serê Lubnanê kirine bela, bi taybet yên bakur û merciyên olî û siyasî yên Ehlî Sunnet ya ekola îslamî ne  û ev şerê me li dijî hegomonyaya Amerîka û projeya Îsraîlê ye.

Nasrullah der barê DAIŞ’ê de jî nêrînên xwe got: “Eger ku Hîzbullah li Sûriyeyê tinebûya, cînayetên DAIŞ’ê dê li Lubananê heta eşîran belav bûya.

Nasrullah, destnîşna kir ku tevgera Hîzbullahê dê gelê Sûriyeyê biparêze û wiha pê de çû: “Hinek alî naxwazin Hîzbullah gelê Sûriyeyê biparêze û ev jî aliyên ku gelê Lubnanê nafikirine. Ez piştgiriyê didim namzetiya serokomarê Lubnanê Mîşel Avn."