Şardariya bajarê Napolî yê Îtalya, welatiya fahrî da Rêberê Gelê Kurd Abdullah Ocalan. Meclîsa şaredariya Napolî, bi pêşniyara Şaredar Lûîgî de Magîstrîs biryar qebûl kir.

Têkîldarî biryarê Meclîsa Şaredariya Napolî daxuyanî da, destnîşan kir ku ji bo bi gelê Kurd re piştevaniya demokrasî, wekhevî û azadiyê raber bikin biryar girtine. Di biryarê de wiha hat gotin: “Bajarê Napolî bi hezkirin, rêz û dostaniyê ve bi gelê Kurd ve girêdayî ye.”

Di daxuyaniyê de bal hat kişandin ku Rêberê Gelê Kurd Abdullah Ocalan rêberê siyasî û ruhî yê gelê Kurd e, wiha hat gotin: “Gelê wî li dijî zextan şer kiriye û bi taybet di salên dawî de bi polîtîkayên zextker, geddar û otorîter ji bo mafên mirovan ên demokratîk bicih bên têkoşiyaye.”

Berê jî bajarê Palermo yê îtalya welatiya fahrî dabû Ocalan. Beyana welatiya fahrî ya Ocalan wê 15’ê Sibatê ku salvegera Komploya Navneteweyî ye wê radestî Dîlek Ocalan bê kirin.