MLKP Swîsreyê, ji bo bîranîna Şehîdên meha Mijdarê li bajarê Baselê şevek organîze kir. Bi sedan kes tevlî şevê bûn. Destpêkê sirûda enternasyonalîst hate xwendin û deqeyek rêz hate girtin. Piştre sînevîzyonek li ser têkoşîna MLKP'ê hate nîşandan.

Nûnerê MLKP'ê yê Swîsreyê piştre axivî û got, xwedîderketina li mîrateya şehîdan, ji bo wan wezîfeyeke însanî, wijdanî û şoreşgerî ye.

Parlamentera berê ya HDP'ê ya Amedê Nûrsel Aydogan jî got, "Êrîşên niha li Şoreşa Rojava tên kirin, Şerê 3. ê Cîhanê ye. Têkoşîna bi rûmet a gelan a 100 salî ya li dijî faşîzmê, niha li Rojava dewam dike. Şoreşa Rojava berhema têkoşîna azadiyê ya 40 salan e. Faşîzma AKP-Erdogan ditirse ku bi serketina Şoreşa Rojava re wê ji desthilatdariyê bikeve, lewma êrîş dike. Bi serketina Şoreşa Rojava re wê gelên li Kurdistan, Tirkiye û Rojhilata Navîn bi ser bikevin. Faşîzm wê têk biçe, em ê bi ser bikevin."

Di dawiyê de jî Alî Asker, Hakan Vreleska, Çagdaş û Grûp Eylul derketin ser dikê û berhemên xwe pêşkêş kirin.