Mizgefta Ehmedê Xanî ya li bajarê Elmanya Wûppertalê, kongreya xwe pêk anî.

Mizgefta Ehmedê Xanî ya ser bi Civaka Îslamî ya Kurdistanê (CÎK) kongreya xwe pêk anî û rêveberiya xwe ya nû hilbijart.

Kongre li Navenda Civaka Demokratîk a Kurd li Wûppertalê bi deqeyeke rêzgirtinê destpê kir.

Axaftina vekirinê ji aliyê Hevserokê mizgeftê Yadîn Atabey ve hat kirin.

Piştre dîwan hat hilbijartin û Mele Evdille dest bi xwendina Quranê kir.

Di dewama kongreyê de raporên malî û xebatê hatin xwendin û piştî nirxandinan rapor hatin qebûlkirin.

Di encama hilbijartinê de jî di nava Desteya Rêveber a ji 15 kesan de 7 jinan cih girtin. Yadîn Atabey û Semra Temel jî ji bo hevserokatiya mizgeftê hatin hilbijartin.