Rêxistina Partiya Demokratîk a Gelan (HDP) ya Amedê, bi şîara "Ji bo aştiya birûmet çareseriya demokratîk" li Qada Îstasyonê mîtînga herêmê ku ji Êlih, Sert, Merdîn Şirnex, Riha, Çewlîk û navçeyen Amede hatin lidarxist.

Saet 17:00’ê ketina girseyê ya qadê destpê kir. Qada mîtîng bê kirin bi pankartên ‘Jin, jiyan, azadî’,’Welatê hevpar, welatiyek hevpar’, ‘Faşîzm wê winda bike, gel bi ser bikeve’, ‘Ev wiha naçe, bi teqez em ê bi ser bikevin’, ‘Pir civakîbûn, pir demokrasî’, ‘Aştiye birûmet, muzakereyek demokratîk’ hatin daliqandin.

Li gel welatiyên ji Şirnex, Dîlok, Riha, Êlih, Mêrdîn, Sêrt, Çewlik û Dersim, parlementerên HDP’ê, nûnerên partiyên Kurd, Meclîsa Dayikên Aştiyê, Tevgera Jinên Ciwan (TJA) rêxistinên girêdayî sendîkayên girêdayî KESK û DÎSK’ê jî tevlî mîtîngê bûn.

Girseya gel a bi cilên Kurdewarî ketin qadê, li ber stranan goveng gerandin. Li qadê dirûşmên ‘Bi berxwedanê em ê bi ser bikevin’, ‘Ti zext nikarin me’ û ‘Ji şer re na, niha aştî’ hatin qîrkirin.

Mîtîngê bi rêzgirtin û axaftnan destpê kir. Destpêkê Hevseroka HDP'ê ya Amedê Huyla Alokmen Uyanik axavî û diyar kir ku ew li dijî şer aştiya bi rûmet û çareseriya demokratîk dixwazin û xwest her kes ji bo aştiyek bi rûmet û neteweya gelê Kurd dengê aştiyê bilind bikin. Alokmen, bal kişand ser tecrîdkirina Rêberê Gelê Kurd Abdullah Ocalan û wiha got: "Heta bi temamî deriyê Îmraliyê venebe û diyalog pêş nekeve aştiyek bi rûmet pêk nayê. Ji ber vê yekê divê tecrîd bi dawî bibe. Alokmen anî ziman ji bo aştiyke mayinde û çareseriya demokratîk pêwiste diyalogek azad pêş bikeve.

Piştre Serokê Giştî yê Partiya Komînîst a Kurdistan (KKP) Sînan Çiftyurek jî axaftin kir û xwest hemû gelê Kurd ji bo yekîtiya xwe li aştiyê xwedî derkevin.

Mîtîng bi axaftinan berdewam dike.