Serokwezîra Elmanyayê Angela Merkel wê îro li Stenbolê bi Serokkomarê Tirk Recep Tayyîp Erdogan re rûnê. Rojeva Merkel berfireh e. Di hevdîtinê de rewşa li Lîbya û Sûriyeyê, her wiha karê sondajê yê Tirkiyeyê ku bi rengekî dijberî hiqûqa navneteweyî li rojhilatê Derya Spî dike, wê bên nirxandin.
Merkel ku di dema dagirkirina Efrînê, Girê Spî û Serêkaniyê de firotina çekan ji bo rejîma Erdogan bi xwe pejirand, wê di mijara dewleta hiqûqê û mafên mirovan de 'hestiyariya xwe' bîne ziman. Deutsche Welle (DW) diyar kir ku Merkel wê ji bo serxwebûna dadgeriyê û serweriya hiqûqê ji Erdogan bixwaze ku 'gavên berbiçav' biavêje.
Hate ragihandin ku di hevdîtina Merkel Erdogan de wê mijara penaberan jî bê nirxandin ku Tirkiye bi salan e li dijî Ewropayê weke amûreke şantajê bi kar tîne.