Endamên malbata Seven ku li herêma Alasace a bajarê Mulhous a Fransayê dijîn, ji bo azadiya Rêberê Gelê Kurd Abdullah Ocalan berhevkirina îmzeyan dewam dike. Bi alîkariya Kurdên li bajêr dijîn, endamên malbatê duh bi sedan îmze kom kirin û li ser pirsgirêka Kurd û Ocalan belavok belav kirin.

Endamên malbata Seven ku beriya niha li bajarê Lorîent diman û nêzî du mehin bar kirine bajarê Mulhouse, kampanya xwe ya îmzeyan a ji bo azadiya Ocalan dewam dike. Li standa li navenda bajêr li li Place de la Vîctoriya hat vekirin, 600 belavok hatin belavkirin û zêdeyî 300 îmze hatin berhevkirin.

Malbata Seven meha derbasbûyî jî stand vekiribû, lê li êrîşa nîjadperestan rast hatibû û ji aliyê Kurdên li bajarê Mulhouse ve piştgirî dîtibû.

Malbata Gulîstan-Derwêş Seven û keça wan Nantas, Vannes, Lorîent, St.Brîeuc Saîn Nazaîre û Rennes beriya niha ku li herêma Bretonya li bajarê Lorîent a Fransayê dijiyan, li navenda bajar  stand vekiribûn, nezî 13 hezar  îmza komkiribûn.  Ji ber malbata Seven heya niha îmza komkiribûn di Mijdara 2012’de ji aliye Meclîsa Gelê Kurd a Rennas ve hêjayî plaketê hatibû dîtin.

Malbata ku nêzî sê meh in li bajarê Mulhouse dijî dixwaze 5 hezar îmzeyan kom bike û heta niha hezar û 200 îmze kom kiriye. Hefteya derbasbûyî jî malbata Seven li Strasbourg’ê stand vekiribû û nezî sê sed îmze ji bo azadiya Ocalan û girtiyên siyasî berhev kiribû.