Li paytexta Awûstûrya Viyanayê, êrîşên çeteyên DAIŞ'ê yên li hemberî Kobanê hatin protestokirin.

Di mîtînga protestoyî ya li Stephansplatzê de Hevserokê Navenda Civaka Demokratîk a Kurd li Viyanayê û Nûnerê PYD'ê yê Awûstûryayê axivîn. Di axaftinan de êrîş bi zimanekî tund hatin şermezarkirin û hat gotin, "Şervanên azadiyê yên Kurdan ên bi rûmet YPG/YPJ wê ji sedî sed hesabê vê bipirsin. Em dizanin ku barbarên DAIŞ'ê di ser Tirkiyeyê re hatine; ji ber vê yekê Tirkiye jî wê hesabê vê bide gelê Kurd."

Mîtînga ku ji aliyê PYD Awûstûryayê ve hat organîzekirin, ji pêkhateyên Yekîtiya Hêzê ya Demokratîk a Viyanayê jî destek dît.

Di çalakiyê de bê navber dirûşmên "Terorîst DAIŞ", "Şehîd Namirin", "Bijî Berxwedana Kobanê", "Bijî Serok Apo" hatin qîrîn û belavokên bi zimanên Elmanî û Îngilîzî hatin belavkirin.