Gaziyên Kurdistanî li pêşiya deriyê ketina avahiya Parlementoyê pankarta “Ji Ocalan re azadî, ji Kurdistanê re statû” vekirin, diyar kir ku wê çalakiya xwe a ku îro li pêşaiya parlementoya di saet 14:00’an de dayîn destpêkirin wê tevahî hefteyekê li ser rêyên navenda Stockholm û pêşiya saziyan dewam bikin.

Ji gaziyên ku çalakî lidar xistin Mûhammet Uzel, anî ziman ku ev nêzî salek û nîve li ser Rêberê Gelê Kurd Abdullah Ocalan tecrîd heye û ti agahî jê nayê girtin, ji bo vê çalakî lidar xistine û wiha pê de çû:

“Em tecrîda li ser Rêbertiya xwe li ser hemû gelê Kurd dibînin. Ev vê tecrîdê qet qebûl nakin. Di felsefeya Rêbertiya me de koletî nîne. Azadî û biratiya gelan heye. Erdogan niha li qadan qîre qîra darvekirinê dide. Erdogan bila baş bizanibe eger ku tiştek bi Rêbertiya me were em ê qesra wî di serê wî de hilweşînin.”

Şivan Merîwan jî diyar kir ku Rêberê Gelê Kurd Abdullah Ocalan bûye rûmeta gelan, ne tenê gelê Kurd hemû gelê bindest û mirovatiyê temsîl dike û wiha axivî: “Eger ku ji bo azadiya Ocalan îro em têkoşînê nekin ne neslê pêşeroj û ne jî dîrok me efû nake. Em vê çalakiy di kesayeta Rêber Apo de ji bo hemû mirovatiyê, gelê Kurd û gelên bindest lidar dixin. Her kesên ku dibêje ez sosyalîstim, demokratim û şoreşgerim divê ji bo azadiya Ocalan bikevin nava tevgerê.”