Li 15 navçeyên Stenbolê operasyonên qirkirina siyasî hat pêkanîn. Polîsên Tirk bi biryara destgîrkirina 26 kesî, bi şev dest bi operasyonê kirin û avêtin ser 28 malan.

Navên ew kesên ku heya niha di operasyonan de hatin destgîrkirin wiha ne:

Alîkarê Rêveberiya Şaredariya Şîşlî Cîhan Yavuz, endama Meclîsa Bawerî û Gelan ya HDK Çîgdem Kiliçgun Uçar, rojnamevan navê Davut Uçar û Kesîre Onel, endamê Komaleya Alîkarî û Piştevaniya Malbatên Xizmên xwe Windakirîn ya Anadoluyê (ANYAKAY-DER) Alaattin Altintaş, hevserokê berê yê navçeya Uskudar ê HDP'ê Erşan Ongulu, Mehmet Karadag, Muhsîn Demîr, hevserokê Komaleya Piştevaniya bi Malbatên Girti û Mehkûmên Marmarayê (MATUHAYDER) Husnu Taş û rêveberên komaleyê Muhlis Bozdemîr, Nazim Adiguzel, Yusuf Çelîk, Emîne Kaya.

Polîsên ku avêtin ser mala rojnamevan Kesîre Onel a li Bagcilarê, piştî ku ew li wir nedîtin, avêtin ser mala hempîşeyê wê ya li Balatê û Onel li wir destgîr kirin.