19 kesên ku di dema serdegirtina polîsan ya li Taxa Gulsûyû ya Stenbolê de hatin binçavkirin, hatin girtin.

Li Stenbolê endamên ESP’ê, Baskê Gel û Partîzan ku di çarçoveya operasyona li dijî şoreşgerên li hember çeteyan tekoşînê didin meşandin hatin binçavkirin û karûbarên fermî ên li Edliyeya Çaglayanê bidawî bûn.

8 ENDAMÊN ESP’Ê HATIN GIRTIN

Weke din di çarçoveya lêpirsîna ku dozger biawayê sê dosyayan birêve dibe de, Seroka ESP’a Navçeya Maltepeyê Zelal Armûtlû û Unal Canîk ji aliyê dozgeriyê ve serbest hatin berdan. Endamên ESP’ê Mustefa Kapar, Cibraîl Gunebakan, Aykan Şîmşek, Sînan Sagir, Serkan Okatan, Ozlem Yîgît, Firat Îşsever û Mahsûnî Matûr bi daxwaza girtinê sewqî dadgehê kirin. Dadgehê jî biryara girtina 8 sosyalîstan da.

11 ENDAMÊN BASKÊ GEL HATIN GIRTIN

Endamên Baskê gel ku lêpirsîna wan ji aliyê dozgerek din ve dihate kirin, Muammer Kaya, Mahîr Çelîk, Şeref Ozcan, Îsmaîl Bîlgîlî û Mesût Taşguluk serbest hatin berdan, 11 kes jî veguhestin dadgehê. 11 şoreşgerên veguhestin dadgehê hatin girtin.

XWENDEKARÊN PARTÎZANÊ SERBEST HATIN BERDAN

Ji 9 xwendekarên Partîzanê ên sewqî dozgeriyê hatin kirin, 6 jê serbest hatin berdan. Hate hînbûn ku, 3 kesên veguhestin dadgehê jî serbest hatin berdan.