Li gundê Tîl Xelef yê nêzî Serêkaniyê de di saetê êvarê de hêzên YPG’ê û komên girêdayê El Qaîdeyê ketin pevçûnê. Di pevçûnê de 5 êrîşkar hatin kuştin û şervanekî YPG’ê jiyana xwe ji dest da.

Li gorî agahiyên hatine bidestxistin  3 km li rojavayê Serêkaniyê li nêzî gundê Tîl Xelef saet di 17.00’an de di navbera hêzên YPG’ê û komên êrîşkar yên girêdayê El Qaîdeyê pevçûn derketiye. Li gorî çavkaniyên YPG’ê 5 êrîşkar mirine û şervanekî YPG’ê jiyana xwe ji dest daye.

Bi mirinên dawî re li herêma Serêkaniyê îro hejmara kesê mirine gihiştiye 40’î. Pevçûnên li der dora Til Xelef didome.