Li bajarê Elmanya Saarbruckenê, bi beşdariya saziyên biyanî resepsiyona Newrozê hat dayîn.

Navenda Civaka Demokratik a Kurdên (NCDK) li Saarlandê, duh saet di 19:00'an de, li avahiya şaredariya Saarbrückênê di salona kevnare de Resepsyona newrozê li dar xist.

Nûnerên şaredariya Saarbrucken, ên partiyên siyasî, sendîqe, nûnerên saziyên mafê mirovan, biyaniyan û civakên olî, ji 40 saziyên biyanî bi giştî 100 kes li vê resepsyonê amade bûn.

Bi pêşkêşkirina Rûken Tosûn resepsyonê heta saet 22:00'an dom kir. Hevserokê NCDK Gernas Gezîcî axaftinek ser rewşa Kurdên li  Elmanya kir û bi taybetî nenaskirina nasnameya Kurd weke kêmnetewe rexne kir û bala mêvanan kişand ser rewşa heyî. 

Hêlîn Tosûn jî bi pêşkêşkirina sinevizyonekê re wate û girîngiya Newrozê ji bo Kurdan, ji mêvanan re ragihand.

Dîlan Akdogan ji delegasyona Ciwanên Azad ên Saarlandê ku çûbû Pirsûsê û seredana kampên penaberan kiribû, li ser vê serdanê sînevîzyonek amadekiribû û rêya vê sînevîzyonê rewşa penaberên li wir û ya terora DAIŞ'ê anî ber çavan. Ji bilî vê jî danasîna sîstema kantonên Rojava û xweseriya demokratîk ji mêvanan re kir.

Di beşa muzîkê de, Hozan Sefkan bi tembûra xwe û awazên Kurdî mêvan mest kir. Resepsyona Newrozê bi vexwarin û xwarinên Kurdî bi dawî bû.