Di çarçoveya lêpirsîna Serdozgeriya Komarê ya Rihayê de li navçeya Pirsûsê ya Rihayê bi ser malan de hate girtin. Di encama serdegirtinên malan de endamên Meclisa Şaredariyê Muslum Karak, Mûstafa Ozberk û Bêrîtan Aslantekîn û welatiyê bi navê Abdulrezak Karak bi îdiaya “endamtiya rêxistinê” hatin binçavkirin.

Hat zanîn ku di dema binçavkirinê de Bêrîtan Aslantekîn rastî miameleya xerab hatiye û gef lê hatiye xwarin. Hat zanîn ku kesê di çarçoveya CMK’ê de divê di dema lêgerînê de amade bûya nehatiye amadekirin û di dema lêgerînê de pirtûkên bibandroll û lênûska nîşeyan a amblema Partiya Herêmên Demokratîk (DBP) li ser bû hatin desteserkirin.

Her 4 binçavkirî birin Midûriyeta Emniyetê ya Pirsûsê. Dibe ku hejmara binçavkiriyan zêdetir bibe.