Çalakiya portestoyê ji aliyê Meclîsa Gel a Oslo ve hate organîzekirin û Kurdistanî li pêşiys Konsolosxaneya Fransayê li hev civiyan. Di çalakiyê de bal hate kişandin li ser kujerên qetlîamê û hate gotin ku divê berpirsên komkujiyê bên darizandin. Rolê dewleta Fransa a di qetlîamê de jî hate şermezarkirin.

Di çalakiyê de çelenga reş li pêşiya Sefaretxaneya Fransayê hate danîn û di axaftinên hatîn kirin de daxwaza edaletê ahte kirin.

ZURÎH

Li bajarê Zurîh ê Swîsreyê jî jinên Kurdistanî çalakî lidarxist. Çalakiya ku bi pêşengtiya Meclîsa Jinan a Bêrîtan ve li pêşiay Sefaretxaneya Fransayê hate kirin. Di çalakiyê de dirûşme hatin berzkirin û çelenga reş li pêşiya sefaretxaneyê hate danîn.

Çalakî piştî dayîna dosyaya têkildarî Komkujiya Parîsê hatîbû amadekirin, bi dawî bû.

BERN

Li bajarê Bern ê Swîsreyê jî, ji aliyê Meclîsa Jinan a Mizgîn ve bi çalakiyekê Komkujiya Parîsê hate şermezarkirin.

Bi dehan Kurdistaniyên ku li Bern Casînoplatzê li hev civiyan, çalakî lidar xistin.

Piştî deqîqeyek rêzgirtinê, li ser navê Tevgera Jinên Kurd a Swîsreyê axaftin hate kirin. Di çalakiyê de bê navber dirûşmeyên ‘Jin Jiyan Azadî’, ‘Sara Rojbîn Ronahî’, ‘Kujer AKP, Kujer Erdogan’ û ‘Terorîst Tirkiye’ hate berzkirin û dosyaya ku têkildarî Komkujiya Parîsê hatî amadekirin ji aliyê heyetekê ve radestî sefaretxane hate kirin. Bi danîna çelenga reş a li pêşiya sefaretxaneyê re çalakî bi dawî bû.