Li bajarê Munchen ê Elmanyayê polîsan vê sibehê bi ser mala aktîvîsta Kurd Zubeyde Akmeşe de girtin. Polîsan bi hinceta ku Akmeşe di çalakiyekê de posterê Rêberê Gelê Kurd Abdullah Ocalan hilgirtiye bi ser mala wê de girtin û dest danî ser kompîter, ala KCK’ê û wêneyên Ocalan.

Polîsan bi ser mala endama NAV-DEM’ê Zubeyde Akmeşe de girt. Polîsan hinceta ku Akmeşe di çalakiya protestokirina êrîşên DAIŞ’ê yên li hember Şengalê de posterê Ocalan û nivîsa ji ‘Ocalan re Azadî’ hilgirtiye nîşan da.

Di serdegirtina ku di saetên sibê de pêk hatiye kompîtera Akmeşe, ala KCK’ê û posterê Rêberê Gelê Kurd Abdullah Ocalan desteser kirin.

Akmeşe helwesta polîsan şermezar kir û got ku posterê Ocalan ne qedexe ye û polîsan qanûn binpê kiriye.