26’ê Çileyê li bajarê Krasnodar ê Rûsyayê, civînek hate lidarxistin. Di civînê de jinên Kurd polîtîkayên dewleta Tirk a dagirker ên li hemberî Rojava bi tundî şermezar kirin û êrîşên hovane yên li ser gelê sivîl ên herêmê şermezar kirin. Di çalakiyê de bal hat kişandina ser êrîşên li ser sivîlan.

Di daxuyaniya beşdaran de hate destnîşankirin ku kiryarên bi vî rengî yên sûc wê gelê Kurd netirsîne û ew ê têkoşîna xwe ya ji bo mafên xwe bidomînin. Beşdarên civînê gotin, "Em êrîşên li dijî gelê me qebûl nakin, gelê Rojava ne bi tenê ye û em jinên Kurd ên bajarê Krasnodar piştgiriyê didin têkoşîna wan."

Jinan anîn ziman ku baweriya wan bi serketina gelê Rojava heye û gotin ku ti dagirker nikare berxwedana wan bişkîne.

Civîn bi banga hevgirtina navneteweyî ya ji bo parastina mafên gelê Kurd bi dawî bû.