35. salvegera damezrandina PKK’ê bi merasîmên pîrozbahiyê ku li Herêmên Parastina Medya dewam dikin.

Ji pîrozbahiyekî li herêmekî gerîlayan Endama Serokatiya Konseya Giştî a KCK’ê Sozdar Avesta, Zaxo Zagros li gel ji Fermandarên HPG’ê Rizgar Ersî, Hezil Ozgur û Cuma Cudî tevlî bûn.

Sozdar Avesta ku di merasîma leşkerî a hate çêkirin de axivî bi boneya 35. Salvegera damezrandina PKK’ê Rêberê Gelê Kurd Abdullah Ocalan silav kir, di kesayeta Hakki Karer, Sakine Cansiz û hemû şervanên ku di tekoşîna azadiya kurd de jiyana xwe ji dest dane bi bîranîn û got ku: “Ev roja dayikên wanên ku êş kêşane pîroz be.”

Avesta diyar kir ku damezrandina PKK’ê zindîbûna gelê kurde û wiha berdewam kir: “Tekoşîna azadiya ya ku di bin rêveberiya Abdullah Ocalan de destpê kiriye hemû polîtikayên înkar û îmhayên yên li dijî gelê kurd vale derxistiye.

PKK di pêvajoya tûnebûna gelê kurd de derket û rûhek da vî gelî. Armanc û rêbazên tekoşîna gelê kurd ji bo gelên Rojhilata Navîn bû mînak.”

PKK’Ê BAWERIYA CEWHERÎ DA GELÊ KURD

Piştî merasîma leşkerî Endama Serokatiya Konseya Giştî a KCK’ê Zaxo Zagros cîvînek li dar xist.

Zagros diyar kir ku PKK’ê gelê kurd ji xewekî kûr şiyar kiriye û wiha berdewam kir: “PKK’ê pêvajoyekî paşverotî, axatî pêş dixist sekinand, çand û felsefeyekî civakî afirand. Em hizêza xwe parastina kurdan bigrîn heya fikirîn û çandî gihiştiye astekî pir pêş. Destkeftiyên şoreşa Rojava mînakekî herî baş a vê rojê ye. Şoreşa Rojava xweseriya xwe îlan kir. Ev jî wêna dide nîşan ku kurdan bi PKK’ê baweriya bi xwe qazanc kirine û gehiştine asta ku her êrişa li ser wan çêbibe vala derbixînin.”

Zagros ku bal kişande ser konseptên li hember kurdan çêdibin û di berdewamiya axaftinên xwe de diyar kir ku AKP girêdayî pêvajoyê bê biryar tevdigere.

Zagros ku bal kişande ser rola jinê di PKK’ê de wiha got: “Çanda wekhevî ku PKK’ê di qada civakî de afirandiye û şoreşa jinê di destxistina azadiyên xwe de perspektîfekî giring jêre pêşkêş kiriye.”

Civîna gerîla bi dirûşmeya “Bê Serok jiyan nabe!” bi dawî bû. Gerîlayan pîrozbahî bi şano, mûzîk û girtina govendê berdewam kirin.