Li bajarê Gavle yê Swêdê Kurdistanî tevî dostên xwe daketin qadan û êrîşên dagirkeriyê yên dewleta Tirk ên li dijî Rojava şermezar kirin.

Çalakî li meydana Storatorgetê pêk hat û ji rayedarên Şaredariya Gavleyê Jin Akgul Hajo axivî û diyar kir ku dewleta Tirk ji bo li pêşiya statuya Kurdan bibe asteng êrîşî Rojava dike.

Hajo ji Neteweyên Yekbûyî û Yekîtiya Ewropayê xwest ku bikevin nava hewldanan ku komkujiyên dewleta Tirk rawestînin.

Endama Şaredariyê ya ji Partiya Çep Sepo Laîne jî diyar kir ku bi saya şervanên YPG û YPJ'ê ku DAÎŞ têk birin, herêm, Ewropa û dinya bêhtir ewle ye.

Laîna êrîşên dagirkeriyê yên dewleta Tirk şermezar kir.