Jinên Kurd îro li Ermenistanê ji bo piştgiriya Rojava li hev kom bûn û êrişa li ser gelê Rojava bi tundî şermezar kirin.

Îro Meclisa Jinan Kurd a Ermenistanê bi komcivînekê êrîşên li hemberî  Rojavayê Kurdistanê bi tundî şermezarkirin.Civîn bi deqeyek rêzgirtina ji  bo şehidên Şoreşa Rojava û hemû şehîdên Kurdistanê destpê kir.Di civinê de endamê meclîsa jinan Medya Rêzan civîn bi rê ve bir û di civinê de axivî û got: “Em di serî de têkoşîna şoreşa gelê me yê Rojava bi dil û can silav dikin û êrişên li ser gelê me û komkujiya tên kirin bi tundî şermezar dikin.Ev nêzî du sal e gelê me yê Rojava bi fikr û ramana Rêberê Gelê Kurd Birêz Abdullah Ocalan ku xeta sêyemin esas girtine, dayê peşiya gelê me û xweseriya xwe îlan kiriye, gelê xwe diparêzin.Bi parasitina rewa û bi heza gelê xwe artêş, yekîtiya parastina gel YPG ava kirine. Îro gihiştine wê radeyê ku di Rojava da Yekîtiya Desteya Bilind ava kirine û yekîtiya xwe îlan kirine. Em silav dikin. Em ji vir bang li hemû gelê xwe dikin îro roja yekîtiyê û li hev xwedî derketinê ye. Lê mixabin hikûmeta Başûr derî li ser gelê Rojava girtiye û nahêle gel pêdiviyên xwe pek bîne û bi dijmin re ketiye tifaqê. Em wan bi tundî şermezar dikin.”

Piştre dayik axivîn û gotin: “Em têkoşîna gelê me yê Rojava silav dikin û bila gelê me welatê xwe terk nekin, aqûbeta ku hat serê bav û kalên me, bila neyê serê wan. Ji ber ku dijminên me her tim dixwazin me ji welatê me derxin, ji ber wê yekê em dibejin ev roj roja namûıs û şerefê ye. Cîhan hemû bûye xwedî welat em di nava cîhanê bê war û welat in. Îro roj roja me Kurdan e, Xwedê di dawiyê de li me Kurdan jî hatiye rehmê û pêwîst e em Kurd vê carê li xwe û welatê xwe xwedî derkevin. Ji bo me Kurda Xwedê yekî weke Birêz Serok Abdullah Ocalan dayê me û roj li me hatiye rehmê. Vê carê Kurd, cara yekê ji bo xwe şer dike û ji bo xwe dimire. Ji bo xwe û namûs û şerefa xwe difikire û şer dike. Ji ber wê yekê em keç û xortê Kurdan bi dil û can silav dikin û heta xwîna xwe ya dawiyê em li pey gelê xwe bin.” Civîn dirûşmaya ‘Şehîd namirin, Bijî Serok Apo,  bijî PKK, Bijî YPG, Bijî Kurd û Kudistan dawî bû.