Li paytexta Ermenîstan Êrivanê Komîteya Kursdistanê ji bo bibîranîna şehîdên Meha Gulanê civînek lidar xist. Di civinê de Endamê Komîteya Kurdistan Mahsum Hesen axivî, yek ji damezrînerên PKK’ê Hakî Karer û mehû şehîdên meha Gulanê bibîranî.

Mahsum wiha domand; “Ger îro em li cîhanê hatine naskirin û tevgera azadiyê di her alî de mezin bûye, ev bi saya şehîdane. Rêber Apo ji bo hevalê Hakî Karer wiha got ‘Rûhê min ê veşartiyê’. Em dikarin bi pratîk û xebata xwe bibin layiqê şehîdan. Bi şehadeta heval Hakî tevayî şehîdên şoreşê rêxistina me mezin bû û gihişt artêşê.”

Piştre Endama Komîteya Jin Dayê Kobar axivî û wiha got; “Ji bo xwedî derketina li şehîdan divê em ked bikin û ji bo şehîdan bibin bersiv. Divê soza me bibe pratîk. Li Îmralî tecrîdeke girankirî li ser Rêzdar Ocalan heye vê tecrîdê em şermezar dikin û em qebûl nakin. Heta em agahiyek ji Rêber Ocalan negirin em ê li qadan bin û çalakiyên me wê bidome.”

Endamê Komîteya Kurdistan Milo Qalaşyan jî axivî û wiha got; “Îro ji bo gelê Kurd rojeke taybet e. Divê wek Kurdistaniyên li Ermenîstanê em xwedî li şehîdên xwe derbikevin. Divê Kurd yekîtiya xwe tifaqa xwe ava bikin û dev ji dijminahiya hev berdin.”

Seroka Komîteya Kurdistan Jênika Qadir jî herî dawî axivî û wiha got; “Îro rojeke gelek giran û ji bo Kurdan gelek girînge. Divê em xwedî li malbatên şehîdan û tevgera azadiya Kurdistanê derbikevin. Erdogan wê hesabê van rojan bide gelê Kurd, em ê hesabê şehîdan jê bixwazin. Divê gelê Kurd xwedî li şehîdên xwe derkeve.”