Li bajarê Elmanya Dûîsbûrgê, Komîsyona Hilbijartinê ya HDP'ê xebatên xwe yên hilbijartinê bi ruhê seferberiyê didomîne.

Civîna heftane ya Komîsyona Hilbijartinê ya Partiya Demokratîk a Gelan (HDP) a Dûîsbûrgê, li Navenda Çandê ya Civaka Kurd a Demokratîk pêk hat. Di civînê de nûnerên NAV-DEM, AGÎF, ATÎF, Însiyatîfa Kurecikiyan, Komeleya Darica û berdevkên însiyatîfan amade bûn.

Endamên komîsyonê dan xuyakirin ku ew xebateke berfireh dimeşînin û da zanîn ku ew xebatên hilbijartinê zêdeyî meheke bi ruhê seferberiyê didomînin. Endaman ragihandin ku wan plansaziyeke berfireh amade kirine, di rojên pêş de wê bazarên gel û esnafan ziyaret bikin, belavokan belav bikin û panelan lidar bixin. Di civînê de hat destnîşankirin, ku divê standa li Bazara Semta Hamborn a bi rêk û pêk tê meşandin, tevlîbûneke xurt bê kirin û hat gotin ku ev xebat wê bidomin.

Serokê Komîsyona Hilbijartinê ya Dûîsbûrgê Nûh Yildirim ji bo xebatên di rojên pêş de werin meşandin, ev agahî da:

Li Dûîsbûrgê panela hilbijartinê
4'ê Cotmeha 2015 roja Yekşemê, saet: 13:00
Navenda Çandê ya Elewiyan a Dûîsbûrg-Rheînhaûsen
Navnîşan: Friedrich-Alfred str.182 47226 Duisburg 
Beşdar: Parlamenterê HDP'ê yê Qersê Ayhna Bîlgen, endamê Desteya Rêveberiyê ya DÎDF'ê û endamê Komîsyona Hilbijartinê ya HDP'ê ya Ewropayê Yucel Ozdemîr

10'ê Cotmehê roja Şemiyê, Panela AKM
Saet: 18:00
Beşdar: Serokê AABF Huseyîn Mat û Hevberdevka HDK'ê Sebahat Tûncel

11'ê Cotmehê roja Yekşemê
Saet: 11:00
Komeleya ATÎF li Marxloh
Beşdar. Parlamentera HDP'ê ya Amedê Feleknas Ûca

11'ê Cotmehê roja Yekşemê, şeva piştgiriya bi ÇIRA TV re
Beşdar: Feleknas Ûca

Rojên Sêşem, Pêncşem û Şemiyê saet di navbera 09:00-14:00 de wê li bazara Semta Hambornê standa HDP'ê bê danîn.