Li bajarê Hollanda Den Haagê bi boneya ‘Hefteya Lehengiyê’ civînek hate lidarxistin. Di civîna ku ciwan beşdar bûn de pêşketinên dawî û rola û mîsyona ciwanan hate nirxandin.

Nunerê Tevgera Ciwanên Kurd ên Hollandayê axaftinek kir û bal kişand ku di dîroka PKK’ê de her carê leheng derdikevin holê û bal kişand ku ev leheng di demên awerte de derdikevin holê. Her wiha got: “21’ê adara 1982 Malzûm Dogan li Amedê agir berda bedena xwe û hefteya lehengiyê da destpêkirin.”

Her wiha destnîşan kir ku ev çalakiya Malzûm Dogan bi awayeke zanebûn di dema Newrozê de pêk hat û got: “Bi vî awayî wateyeke din li girîngiya roja Newrozê zêde bû.”

Ciwanan di civînê de bal kişand ser pêvajoya aşitiyê ya ku bi nameya Rêberê Gelê Kurd a ku 21’ê adarê li Amedê hate xwendin û gotin: “Êdî tê dîtin ku tehemûla rêbertiyê ji tu mirinan re nemaye û dixwaze ji bo aşitiyê gav bên avêtin.”