Jinên Kurd ên li bajarê Den Haag yê Holandayê hatin gel hev, weke her roja Çarşem li ber konsolosa Fransayê ji bo ronîkirina komkujiya Sakîne Cansiz, Fîdan Dogan û Leyla Şaylemez çalakî li darxistin. Jinan di çalakiyê de bûyerên tecawizê ên van salên dawiyê li Tirkiyeyê bûne polîtîkaya dewletê şermezar kirin.

Jinan destnîşan kir ku, li rexmî 7 meh li ser komkujiyê re derbazbûn jî hêjan rayedarên Fransî daxuyaniyekî bûyerê ronî bike nedaye û anîn ziman ku ew vê rewşê bi ti awayî qebûl nakin û dê şopdarê vê bin.

Di çalakiyê de jinan li gel posterên Cansiz, Dogan û Şaylemez pankartên “Yê tecawizkaran biparêze hevkarê tecawizê ye”, “azadiya jinê azadiya civakê ye”, “zarok objeyên seksê nînin” vekirin û balkişandin ser bûyerên dawî ên tacîz û tecawizên li Tirkiyeyê.

Jinan di çalakiyê de di danezana ku xwendî de dan zanîn ku, bi salan tacîz û tecawiz  weke amûrekê dîlgirtinê û zextê li ser tekoşîna jinê û tevgera azadiya Kurd hatiye bikaranîn, ew êdî dê destûrê nedin vê û çavê xwe lê negirin.

Meclisa Jinan ya Den Haagê ku ev çalakî bidawî kir, piştî wê li navenda bajar stand vekirin û ji bo azadiya Rêberê Gelê Kurd Abdullah Ocalan îmze komkirin. Dayîkên ciwan ên di himbêza wan de zarokên wan ên nû ji dayîkbûyî tevlî çalakiyê bûn û xelkê derdor eleqeyek mezin nîşandan. Nêzî du demjimêrên çalakiyê 500 îmze hatin berhev kirin.