Li Yewnenîstanê ku navê wê di nav welatên têkildarî Komploya Navnetewî 15’ê Sibatê de di serî de tê, biboneya 14’mîn salvegera komployê panelek hate pêkanîn.

Panela bi navê “Humanîzma me li Kurdistan û Îmraliyê Aşkera dibe”  li paytext Atîna li Amfîtiyatroya Fakulteya Antoniyadî ya Zanista Îktîsadî di demjimêr 19.00’an de destpê dike.

Panela ku dê Moderatoriya wê Midûrê Kovara Tetradya û Weşana Stohastîsê Loukas Akselos, li Atînayê ji aliyê “Înîsiyatîfa Serbest Berdana Ocalan û Navenda Çanda Kurdistanê” ve tê organîze kirin. Dê panel li ser sê sergotaran pêk bê.

Parlementerê Partiya SYRIZA Stathis Panagoulîs dê pêşkêş kirina beşê “Li Yewnenîstanê di salên cûntayê de ji bo serbest berdana Aleksandros Panagoulîs li Ewropayê tevgerek çawa hate avakirin û ji bo serbest berdana Abdullah Ocalan jî pêwîste bi heman awayî tevgerek ya Ewropayê pêk bê.”

Di pêşkêşkirina beşê “Ji bo li Rojhilata Navîn aştî pêkbê pêwîste pirsgirêka Kurd çareser bibe” dê parlementerê berê yê PASOK’ê û Sosyolog-Nivîskar Mîhalîs Haralambîdîs dê bikin.

Serokê Konfederasyona Komeleyên Kurdan yên li Ewropayê (KON-KURD) Îsmet Kem dê di mijara “Li Kurdistanê rewşa dawî û lêgerînên çareseriyê yên Ocalan” de guhdarvana agahdar bike.