Kurdistaniyên li navendê li hev civiyan, bi wesîleya Hefteya Lehengiyê, cangoriyên têkoşîna azadiyê ya Kurdistanê bibîr anîn.

Qisekeran li vê derê jiyana ji kadroyên pêşeng ên PKK'ê Mazlûm Dogan û Mahsûm Korkmaz vegotin.

Çalakiya bîranînê ji aliyê Komîsyona Malbatên Şehîdan ve hat lidarxistin. Di axaftinan de hat gotin, "Dilsoziya bi têkoşînê re dilsoziya bi şehîdan û armancên wan re ye. Di her şert û mercî de ya divê were kirin xwedîderketina li şehîdan û bi ser xistina têkoşîna wan e."

Malbatên Şehîdan li vir mafê axaftinê wergirtin û bang li hemû Kurdan kirin ku xwedî li nirxên Kurdan û têkoşîna azadiyê derkevin.

Piştre hunermend Rûbar Şîno derket ser dikê û merasîma bîranînê bi belavkirina xwarinê qediya.