Li Farqînê li Sendoqekê ji bo HDP’ê 76 û ji bo AKP’ê 1 deng derket. Li navçeya Kayapinarê jî ji bo namzetê Serokkomariyê Selahattîn Demîrtaş 74 deng,j ji bo Erdogan 1 deng derket.

Li Amedê li du sendoqan jimartina dengan qediya. Li Farqînê, taxa Yolçatiyê di sendoqekê de 80 deng hebûn. Ji van 76 çûne ji HDP’ê re û 1 jî ji AKP’ê re çû.

Li navçeya navendê Kayapinarê jî sendoqek hate vekirin. Di vê sendoqê de jî bi tevahî 81 deng hebûn. Ji 81 dengî 74 çûne ji Demîrtaş re , 1 deng çû ji namzetê AKP’ê yê Serokkomariyê Erdogan re û yek jî çû ji namzeta Serokkomariyê ÎP’ê Meral Akşener re.

LU GUNDÊ NAMZETÊ AKP’Ê DENG ÇÛNE JI HDP’Ê RE

Li gundê Arevang a navçeya Tûşba ya Wanê, ku gundê namzetê AKP’ê yê Wanê Îrfan Kartal e 100 deng ji HDP’ê re derket û 50 deng ji AKP’ê re. Demîrtaş jî 98 deng stand û 2 deng şewitîn.

Li gundê Armeşatê jî ku xizmên Kartal lê zêe ne HDP’ê 147 deng standin, AKP’ê jî 161 deng stand. Li heman gundî Erdogan 62 û Demîrtaş 145 deng stan.