Li Îzmîrê, ku duh 'Nobeda Edaletê' dest pê kir, polîsan danê sibehê avêtin ser gelek adresan. Di serdegirtinê de rêvebera Halkevî Evrîm Çakir, endamê Desteya Rêveberiya Navendî ya Partiya Piştgirî û Azadiyê (ODP) Onûr Kiliç jî di nav de herî kêm 10 kes hatin binçavkirin.

LI ERDÎŞÊ 35 KES HATIN BINÇAVKIRIN

Li navçeya Erdîş a Wanê jî, polîsan danê sibehê avêtin ser gelek malên li taxên Sêvek, Qerekîs, Doxançî û navenda navçeyê. Di encamê de 35 kes hatin binçavkirin. 27 ji 35 kesên nayê zanîn bê ji ber çi hatine binçavkirin birin Qereqola Jendermeyan a Bajêr, 8 jî birin Midûriyeta Emniyetê ya Navçeyê.

Hin ji kesên hatine binçavkirin ev in: Endamê Meclîsa Şaredariyê yê DBP'yî Farûk Koken, Mahmût Bîlîcî, Adem Sala û Bedran Sala.