Di çarçoveya polîtîkaya şer a hikûmeta AKP'ê ya demkî de şewitandina xwezayê dewam dike. Ji ber bomberdûmanên artêşa Tirk her roj gelek daristan dişewitin û gelek zindî dimirin.

SEKNA LI BER QEREQOLÊ

Li Çiyayê Reş ê navçeya Sêrt Dihê, duh danê êvarê şewat derket. Welatiyên bi şewatê hesiyan ji bo vemirandinê ketin nava tevgerê û ber destê sibehê berê xwe dan cihê şewatê. Lê belê welatî ji aliyê leşkerên qereqola jendermeyan a gundê Meylana ve hatin rawestandin û çûyina wan a herêmê hate astengkirin. Welatiyên ku hatin asteng kirin li ber qereqolê rawestiyane. 

Çiyayê Reş, ji aliyê Walitiya Sêrtê ve li ser biryara Desteya Wezîran weke "Herêma Ewlehiyê ya Leşkerî ya Demkî" hatibû îlankirin.