Kurdekî din bi gumanbarî li leşkeriyê întixar kir
Leşkerekî li Fermandariya Yekîneya Desteka Lojîstîk a Dîkmenê leşkeriya ji neçarî dikir, danê êvarê di dema nobedê de întixar kir.
Bûyer duh êvarê saet di 20:00 de qewimî. Ciwanê Kurd Ozkan Yildirimlar ê di sala 1993'an de ji dayik bû, dema nobed digirt bi qayişa tivinga xwe ya G3 xwe bi darve kir.
DI DEMA GUHERTINA NOBEDÊ DE PÊ HESIYAN
Di dema guhertina nobedê de hat hînbûn ku Ozkan Yildirimlar întixar kiriye. Hat ragihandin ku Ozkan Yildirimlar ê xwe bi darve kir, ev demeke leşkerên payebilind pê re pev diçinîn. Lêpirsîna li ser bûyerê dewam dike.
