Saziya lêkolîna li nava raya giştî ya Kurdan a li Elmanyayê (Civaka Azad), di nava Kurdistaniyan de lêkolînek kir. Lêkolîn ji 28'ê Sibatê heta 7'ê Adara 2018'an hate kirin û helwesta hiklumeta Merkel a li ser Efrînê hate pirsîn.

Di nava dema hatiye destnîşankirin de bi rêya medya civakî, e-mail û WhatsAppê li nêrîna 300 hezar Kurdistaniyan hate pirsîn. 600 ji van tevlî anketê bûn û pirsên li ser Efrînê ji wan hate kirin.

Encamên anketê wiha ye:

- Li gorî 62 ji sedî yê beşdarên anketê, hikumeta federal a bi serokwezaretiya Angela Merkel di dema şerê Efrînê de Kurd bi tenê hişt.

- 80 ji sedî yê beşdaran diyar kirin ku ji bo qedandina şerê li Efrînê hikumeta federal bi têrkerî hewl neda.

- Zêdeyî nîvê beşdarên anketê destnîşan kirin ku ew ji helwesta hikumeta Merkel a li pêşberî Efrînê aciz in.

- Beşeke din a ji beşdaran ragihandin ku di dema tevlîbûna li çalakiyên siyasî de ew xwe ewle nabînin. Lê belê tevî lêpirsîn û tirsa êrîşa li dijî xwepêşandanan jî, Kurdan nerazîbûna xwe nîşan dan.

Civaka Azad li ser encamên anketê daxuyaniyek da û xwest, hikumeta Merkel nerazîbûna Kurdan bibîne.

Orjînala encamên anketê ku ji 21 rûpelan pêk tê li vê adresê dikare bê dîtin: