Pêşniyara Komîsyona Pêvajoya Çareseriyê ku pêşkêşî Meclisa Tirkiyeyê hat kirin, ji aliyê AKP û BDP'ê ve hat erêkirin û biryara avakirina komîsyonê hat dayîn. Komên CHP û MHP'ê jî li dijî pêşniyarê dengê xwe bikar anîn.

Pêşniyara Komîsyona Çareseriya Pêvajoyê ku îro ji bo pêşniyarên lêgerînê sibê ji bo 4'emîn pakêta darazê û roja pêncşemê jî Pêşnûmeya Guherînên di Zagona Di Dadgehên Usûla Hiqûqê de pêşkêşî Lijneya Giştî kir. Pêşniyara avakirina komîsyonê ji aliyê komên MHP û CHP'ê ve hat redkirin. Pêşniyara avakirina Komîsyonê ji aliyê AKP û BDP'ê ve hat erêkirin û biryara avakirinê hat dayîn.

Parlamenterê BDP'ê yê Şirnexê Hasip Kaplan diyar kir ku, li Tirkiyeyê 30 salin şerek heye û ji bo êş, pevçûn kuştin û mirin bi dawî bibin û pirsgirêk çareser bibe divê ev komîsyon bê avakirin. Kaplan da zanîn ku, ji bo çareseriyê ji bilî meclisê tu navnîşanê din tune û wiha got: "Ma ne cihê axaftina pirsgirêkan meclise. Ma ne cihê çêkirina zagonan meclise. Wê demê divê komîsyonê jî ava bike û ev komîsyon pirsgirêkê lêkolîn bike. Divê pirsgirêk aşkere bên axaftin. Ji her demê bêtir piştgiriya gel a pêvajoyê heye. Navnîşana çareseriyê meclise û divê kes ji vê yekê nereve.

Piştî axaftinên endamên komên partiyan pêşniyara koma AKP'ê ya komîsyonê hat erêkirin.