BDP’î yên ji Mêrdîn û Cizîrê bi armanca tevli çalakiya piştevaniya bi Gelê Rojava re ya li Serêkaniyê bibin rastî astengiya polîsan hatin.

Konvoya BDP’ê ya ji navçeya Cizîr a Şirnexê derket rê kut evli çalakiya nobetê ya Rojava ya li Serêkaniyê  bibin, li herêma Çemê Saklan ya di navbera Cizîr û Nisêbînê de ji aliyê polîsan ve hatin rawestandin.

BDP’î yên ku ev helwesta polîsan protesto kir, çalakiyeke runiştinê pêk anîn û ji ber girtina rê ji neçarî vegeriyan.

Li aliyê din BDP’iyên ji Mêrdîn û navçeyên berbi Serêkaniyê derketin rê li Girê Kepez rastî êrîşa polîsan hatin.

Gelek wesayîtên ji Mêrdîn û navçeyên wê derketin rê li bajaroka Dîkmen hatin rawestandin û piştre dîsa derketin rê. Di derketina Serêkaniyê de rastî êrîşa polîsan ava şîd û bombeyên gazê hat.

Êrîşa polîsan didome.