Kongreya Civaka Demokratîk (KCD) da xuyakirin ku mirina Patrîkê Dêra Asûrî ya Rojhilat IV. Mar Dînkha, ji bo gelên Mezopotamyayê windahiyeke girîng e.

Hevserokên KCD'ê Selma Irmak û Hatîp Dîcle û Endamên Dîwana Serokatiyê ya KCD'ê, ji ber wefata Patrîkê Dêra Asûrî ya Rojhilat IV. Mar Dînkha peyameke sersaxiyê weşandin.

Di peyamê de hat gotin, "Patrîk Mar Dînkha ku di jiyîn û pêkanîna biratiya navbera gel û baweriyan de xwedî tevkariyeke girîng e, wefata wî ne tenê ji bo gelê Asûrî/Suryanî ji bo tevahiya gelên qedîm ên Mezopotamyayê windahiyeke girîng e. Weke Kongreya Civaka Demokratîk em xemgîniya gelê Asûrî/Suryanî parve dikin û sersaxiyê dixwazin."