Kampanya nameyan a ji bo Leyla Guven didome
Hevseroka Kongreya Civaka Demokratîk (KCD) Leyla Guven 190 roj in li dijî tecrîdkirina Ocalan di greva birçîbûnê de ye. Kampanya nameyan a ji bo Guven didome.
Kampanya nameyan a ji bo Guven bi navê "Nameyek, hezar hêvî" pêk tê û ji aliyê Jinên Ciwan ên Azad û Jinên Xwendekar ên Kurdistanê ve tê birêvebirin.
Bi dehan nameyên heta niha hatine nivîsandin li navenda Jinên Ciwan ên Azad kom bûne. Her du saziyên jinan bang li jinên ciwan kirin ku hestên xwe binivîsînin û bi rêya Facebookê bigihînin adresên Jinên Xwendekar ên Kurdistanê (JXK). Name wê bi rengekî komî ji Leyla Guven re bên şandin.
