Di daxuyaniya Însiyatîfa Jinên Tîrêjên Rojê de li dijî tecrîdkirina Rêberê Gelê Kurd Abdullah Ocalan banga berxwedanê li gelê Kurd hate kirin.

Însiyatîfê diyar kir, "Bi navê ciwanên Kurd û însiyatîfa ku li metropolan li dijî sîstema faşîst çalakiyan dike, ragidihînin ku ji îro û pê ve em ê di çarçoveya pêngava 'Bes e ji tecrîd, faşîzm û dagirkeriyê re; dem dema azadiyê ye' tevbigerin, heta serketinê li ber xwe bidin û çalakiyên xwe berfireh bikin."

Însiyatîfê ragihand ku ji bo bersivê bidin tecrîdê û pêngava Tevgea Azadiyê ya Kurdistanê silav bikin, wan hin çalakî li dar xistine.

Li gorî daxuyaniyê, di 8'ê Îlonê de li Avcilar a Stenbolê "3 wesayitên AKP-MHP'î yên faşîstan" hatin şewitandin.

Heman rojê li Kuçukçekmece ya Stenbolê qadeke herêma leşkerî û "2 qemyonên li otoparkekê yên AKP'iyên faşîst" hatin şewitandin.

Însiyatîfê ragihand ku 9'ê Îlonê li Kuçukçekmece ya Stenbolê wesayitên 2 hevkarên faşîstan hatine şewitandin.

Li gorî daxuyaniyê 9'ê Îlonê li Gebze ya Kocaeliyê jî febrîqeyeke dermanan a karsazên AKP'î yên faşîst hate şewitandin û bi milyonan lîre zerar li febrîqeyê bû.