Bi 10'ê Hezîranê re wê av biçe ser Bendava Ilisûyê ku wiha wê Heskîfa 12 hezar salî di bin avê de bihêle.

Hewldana Jiyandina Heskîfê bi navê, ''Ji bo xilaskirina Heskîfê û Geliya Dîclê ne dereng e'' bang kir. 87 saziyan destek da bangê.

Di bangê de giringiya çandî û dîrokî ya Heskîfê hate bibîrxistin û hate gotin, ''Projeya   Ilisûyê ji destpêkê ve şaş e û projeya hilweşandinê ye''.

Her wiha hate gotin, weke ku tê gotin ti sûda sosyo-akonomîk ya projeyê li civakê tine.

Di daxuyaniyê de hate gotin ev projeya Ilisûyê wê pirrengiya zindiyan a Geliya Dîclê tine bike û her wiha wê bibe sedem ku gelek bajarên Iraqê nikarin ava vewarinê peyda bikin. 

Di daxuyaniyê e hate gotin heke projeya Bendava Ilisûyê were betalkirin, di serî de 5 bajarên ku rasterast jê karîger dibin wê sûda aborî, sosyal, çandî û ekolojîk li civakên Kurdistanê, Tirkiyê û Iraqê bibe û bang li hikûmeta Tirk hate kirin Projeya Ilisûyê rawestînin.