Li bajarê Melboûrne, 50 malbat tevlî Kampanyaya Xwişk û Bira bûn.

Li bajarê Melboûrene yê Awûstûryayê, xebatên Kampanyaya Xwişk û Bira ya ji aliyê Heyva Sor a Kurdistanê ve hatî destpêkirin dewam dike.

Di çarçoveya kampanyayê de, agahiyên malbatên ku ji aliyê Heyva Sor a Kurdistanê ve hatine şandin, ji aliyê komîsyona ku li navenda Civaka Kurd a Demokratîk ve hatin pêkanîn li malbatên sponsor hatin belavkirin.

Di civîna malbatên sponsor ya ku di pêşengtiya NAV-DEM’ê hat lidarxistin de, behsa girîngiya kampanyayê hat kirin. Hemû agahiyên ‘malbatên Xwişk û Bira’ dan malbatên sponsor. Piştî agahî hatin dayîn civîn bi dawî bû.

Xebatên sponsorkirinê li bajarên Sydney û Perthê jî hatine destpêkirin.