Maratona ji 16 kîlometreyî li bajarê Portsmoûth ê Îngilîstanê pêk hat. Ciwanê bi navê Ben Norman tîşortê bi nivîsa 'Azadî ji Ocalan re' tevlî maratonê bû û beza xwe di nava saetek û 49 deqeyî de qedand.

Norman piştî maratonê axivî û got, azadiya Rêberê Gelê Kurd Abdullah Ocalan ji bo aştiyê gelekî girîng e.

Ben Norman diyar kir, Ocalan afirînerê Şoreşa Rojava ye û got, bêyî Ocalan sîstemeke demokratîk û wekhev li Rojhilata Navîn ava nabe. Norman bang li tevgerên siyasî û rêxistinên pêşverû yên Brîtanyayî kir ji bo li dora kampanya 'Azadî ji Ocalan re' bicivin.

Hevserokê Meclîsa Gelê Kurd a Brîtanyayê Ercan Akbal jî ragihand, kampanya 'Azadî ji Ocalan re' berfireh dibe û wê bi rêya çalakiyên nû kampanyayê bixin rojeva Brîtanyayê.