Ji bo hevdîtina bi Ocalan re parêzeran serlêdan kirin
Parêzerên Rêberê Gelê Kurd Abdullah Ocalan ji bo hevdîtina bi muwekîlê xwe re, serlêdan kirin.
Parêzerên Rêberê Gelê Kurd Abdullah Ocalan ji bo hevdîtina bi muwekîlê xwe re, serlêdan kirin.
Cengîz Yureklî, Newroz Ûysal, Faîk Ozgur Erol û Mazlûm Dînç ên ku parêzerên Rêberê Gelê Kurd Abdullah Ocalan in, ji bo hevdîtina bi muwekîlê xwe re serî li Serdozgeriya Komarê ya Bûrsayê dan. Parêzeran ji bo hevdîtina îro û sibê, serlêdan kirin.
Ji 27’ê Tîrmeha 2011’an û heta niha parêzeran 810 caran ji bo hevdîtinê serlêdan kirin. Lê ev serlêdan bi hincêtên kêfî û pûç hatin redkirin.
Piştî heşt salan parêzerên Ocalan Newroz Ûysal û Rêzan Sarica di 2’ê Gulanê de de bi Ocalan re hevdîtinek kiribûn. Ji wê rojê û heta niha bersiv ji serlêdanên ji bo hevdîtinê nehatiye dayîn.