Li avahiya navçeyê ya Partiya Gelan a Demokratîk a Sûltangaziyê ji bo gerîlayê HPG’ê Farûk Kere (Rûstem Cûdî) ku di şerê li bejahiya Dep a Xerpetê şehîd bibû, konê sersaxiyê hate danîn. Birayê Kere Selîm Kere, malbat û rêveberên rêxistina HDP’ê ya Sûltangazî û navçeya Gazîosmanpaşayê gelek kes beşdarî konê sersaxiyê bûn.

Di konê sersaxiyê de Meta Kere Salîha Kilan axivî û got Kere şehîdê hemû gelan e. Kilan bang li hemû gelan kir ku pêwîst e hemû gel xwedî li gerîlayên HPG’ê yên jiyana xwe ji dest didin, derbikevin û wiha got; “Rûstem jî û hemû şehîdên din jî zarokên me ne. Serê me bilind e û em bi rûmet in.”

Konê sersaxiyê wê 3 rojan bidome û bi dayîna mewlûdê wê bi dawî bibe.