Di danişîna îro ya Parlementoya Iraqê de rapora Komîsyona Parastin û Ewlekariyê bi gelek dengan hate qebûlkirin.

Têkildarî nîqaş û biryarên di Parlementoya Iraqê de Parlementerê YNK’ê yê Iraqê Mihemed Osman got:“Rapora Komîsyona Parastin û Ewlekariyê a têkildarî êrîşên dewleta Tirk ji aliyê gelek parlementerên Şîa, Sunnî û Kurd hate qebûlkirin. Parlementoyê êrîş şermezar kir û biryar hat stendin ku Tirkiye li Neteweyên Yekbûyî were gilîkirin. Di heman demê de biryar hat dayîn ku divê Tirkiye lêborîna xwe ji Iraqê bixwaze.”