Wezareta Karê Derve ya Hollandayê nêrîna xwe ya di derbarê geştiyariyên li Tirkiyê de, li ber çav re derbas kir.

Rayedaran di derbarê Tirkiyê de welatiyên xwe hişyar kirin û diyar kir ku heke rejîma Erdogan rexne bikin wê bi metirsiyan re rû bi rû bimînin. 

Hollandayê diyar kir ku kesên bi Serokomarê Tirk re ne xwedî heman dîtin û nêrînê bin, dibe ku ji ber parvekirinên xwe yên tevna civakî bên destgîrkirin û dersînorkirin.

Di hişyariyê de hate gotin ku polîsên sînor telefon û komputera kesên ji bo geştê diçin Tirkiyê kontrol dike û belgeyên li dijî Erdogan û dewleta Tirk digere.

Lewre Hollandayê welatiyên xwe yên ji bo geştê biçin Tirkiyê hişyar kirin û metirsiyên ku pê re rû bi rû bimînin bibîr xistin.