Heyeta HDP'ê ya Îmraliyê, ku duh ji bo hevdîtina bi rayedarên KCK'ê re çû Qendîlê, vegeriya Enqereyê.

Heyeta Îmraliyê ya ji Cîgirên Serokê Koma HDP'ê Pervîn Bûldan, Îdrîs Balûken û Hevberdevkên KCD'ê Hatîp Dîcle, ji Qendîlê vegeriya.

Heyeta ku di 29'ê Mijdarê de bi Ocalan re hevdîtin pêk anî, piştî nirxandina "Pêşnûmeya Çareseriya Demokratîk û Muzakereyê" bi hikûmet û endamên desteya çareseriyê re, ji bo bi rayedarên KCK'ê re helwesta hikûmetê binirxîne çû Qendîlê û îro danê sibê hevdîtinek kir. Li dû hevdîtinê, heyet îro danê sibê vegeriya Enqereyê û tê payîn ku der barê hevdîtinê de daxuyaniyeke nivîskî biweşîne.