Rêxistina HDP’ê ya Bajêr a Mêrsînê ku gef li muşahîdên wê hate xwarin, bi sedemên eletewş serokên sendoqên wê ji kar hatin girtin, ji bo ku gel biçe ser sendoqan û ewlehiya sendoqan bistînin hemû tevdîran distînin. Soylemez diyar kir ku li gel hemû zext û zordariyan û gefan ew ê li vînê xwedî derbikevin û gel jî teqez divê biherike sedoqan.

 ‘MÊRSÎN WÊ PIR XURT BIBÊJE NA’

Soylemez diyar kir ku li Mêrsînê wan xebateke baş e a referandûmê kirine û got, gelê Mêrsînê bi hemû cihêrengiya xwe ya etnîk, çandî pêwendiyeke baş nîşanî xebatê wan kirine. Soylemez diyar kir ku li Mêrsînê wê helwesteke xurt a ‘NA’ derkeve û li Mêrsînê ji ‘NA’yê wêdetir ne li benda encameke dî ne. Soylemez diyar kir ku ew bi pêkhateyên ‘Platforma Na’ çûne hemû qadên bajêr, herêmên herî biçûk jî û got, ‘’Me xwe gihande her kesî, her beşî, me cihêtî nekir, dîktaya yek zilamî yê faşîst ji her kesî re vegotin. Gel jixwe hay ji her tiştî heye û helwesta ‘na’ pir li pêş e.’’

 ‘MUŞAHÎD Û SEROKÊN ME YÊN SENDOQÊ TEHDÎH DIKIN’

Soylemez diyar kir ji bo ewlehiya sendoqê hemû xebat kirine, perwerdehiya muşahîhan qedandine û got, dema ku serokên sendoqê û muşahîd çûne da ku kartên xwes bistînin, di Saziya Hilbijartinê ya Bilind de gef li wan xwarine. Soyeleme diyar kir ku gef li gelek serokên wan ên sendoqê xwarine û bi sedemên eletewş û hiqûqî peywira wan ji wan standine û got bi vê dixwazin li Mêrsînê dixwazin ‘NA’ asteng bikin da ku xurttir dernekeve. Soylmez diyar kir ku li dijî van zext û nehiqûqiyan a li dijî muşahîd û serokê sendoqan wê gilhê wan bikin û got, her çi jî bibe wê ewlehiya sendoqê bistînin û li vîna gel xwedî derkevin nahêlin ku vîna gel wer dîzin.

 ‘DIVÊ EM BIHERIKIN SER SENDOQAN Û LI DENGÊ XWE XWEDÎ DERKEVIN’

Soylemez got divê gel biçe ser sendoqan û dengê xwe bide û wiha bang li gel kir: ‘’Ev du meh in, bi şev û roj kuçe bi kuçe, tax bi tax em xebitîn û helwesteke baş me derxist. Êdî dema wê hatiye ku em biçin ser sendoqan û vê helwesta xurt a ‘na’ veguherînin encamê. Gelê me teqez divê biçe ser sendoqan û divê her kes vîna xwe diyar bike.’’

Soylemez diyar kir tenê têrê nake ku biçin ser sendoqan jî û wiha got divê her kes ewlehiya dengê xwe jî bistîne û di rewşeke desteserkirina dengan de divê serî li muşahîdên HDP’e bidin.