Li navçeya Ahmetlî ya Manîsayê namzetên HDP’ê Sirri Sakik, Hasret Aslan, Adnan Mankan û Bigul Saggoz piştî ku serdana gel kirin beşdarî vekirina buroya hilbijartinê bûn.  Gelek kes beşdarî vekirina buroya hilbijartinê bûn û polîsên sivîl jî hatin herêma vekirina buroyê. Polîsekê nîşaneyên dest kir û bi kamerayê kete nava gel dîmen kêşa. Sakik ê HDP’yî nerazîbûn nîşanî polîsan da.

Sakik bang li polîsan kir ku dîmen ne kêşin û got  bi kêşandina dîmenan re hun gel terorîze dikin. Polîsan ji Sakik re got em te diparêzin. Di vê navberê de  polisekê got: ‘Ez memûrê dewletê me’ li ser vê gotinê rageşî çêbû û Midûrê Emniya Navçeya Ahmetliyê hate herêmê. Midurê Emniyetê bi Sakik re civiya, lêborîn ji gel xwest û ji ber helwesta polîsê memûr xemginiya xwe anî ziman.

Piştre namzet û endamên partiyê buroya hilbijartinê vekirin û derbasî Alaşehirê bûn.