HDP çû serdana DÎSK’ê

Hevserokê Giştî yê HDP’ê Sezaî Temellî, namzeta HDP’ê ya Sêrtê Meral Daniş Beştaş û Hevseroka HDP’ê ya bajarê Stenbolê Esengul Demîr çûn serdana DÎSK’ê.

Hevserokê HDP’ê Sezaî Temellî di çarçoveya xebatên hilbijartinên 24’ê Hezîranê de li Stenbolê bi Seroka Giştî ya DÎSK’ê Arzû Çerkezoglû re civiya.

Tevî Temellî, namzeta HDP’ê ya Sêrtê Meral Daniş Beştaş û Hevseroka HDP’ê ya bajarê Stenbolê Esengul Demîr jî tevlî civînê bûn. Civîn derdora nîv saetê ji çapemeniyê re girtî dom kir.