RTUK'ê biryara xwe ya der heqê rawestandina weşana Hayat TV de betal kir.

RTUK'ê biryara xwe ya rawestandina weşana Hayat TV'yê ku bi îddîaya "weşana qeçax" a bê lîsans dike dabû, betal kir. Mudurê Giştî yê Hayat TV der heqê mijarê daxuyaniyeke nivîskî weşand û da xuyakirin ku RTUK'ê biryara xwe ya rawestandina weşana Hayat TV'yê betal kiriye û wê karên lîsansê jî di demeke kurt de çareser bike. 

Çetîn got, "Televîzyona Hayat, bi piştgiriya karker, kedkar, ciwan, jin, gelê xizan, rewşenbîr, hunermend û tevahiya gelê ku ji destpêkê ve weke televîzyona xwe dibîne ve, gefa reşkirina weşanê ji holê rakiriye. Nerazîbûna hemû beşên civakê yên ji bo demokrasiyê gihaşt encamê û ji şaşiyekê vegeriyan. Dengê dirûşmên bi dehhezaran mirovên li kolanan, malan, kargehan û dengê li Parqa Gezî bilind bû, dengê me bilindtir kir. Em ji tevahiya gelê ku xwedî li televîzyona xwe derketiye û nehiştiye were tarîkirin re, spas dikin. Bi piştgiriya we, emê her roj xwe xurtir bikin û rêya xwe dewam bikin."