Girtiyên siyasî ji bo Efrînê ketin greva birçîbûnê
Girtiyên siyasî yên li Girtîgeha Tîpa T a Şakranê girtîne, ji bo êrîşên li dijî Efrînê şermezar bikin dest bi greva birçîbûnê ya bi dem û dorveger kirin.
Girtiyên ku ji bo şermezarkirina binpêkirina mafên mirovan ên li Girtîgeha Tîpa T a Şakranê ya Îzmîrê tevlî hevdîtinan nabin, ji bo protestokirina êrîşên dewleta Tirk ên li ser Efrînê roja 5'ê Sibatê dest bi greva birçîbûnê kirin.
Girtiyan bi rêya parêzerên xwe agahî dan û gotin ku ew êrîşên li ser Efrînê qebûl nakin, lewma wê mehekê bi komên ji 4 kesan bi rengekî dorveger bikevin grevê.
