Li Rihayê danê sibê polîsan bi ser gelek malan de girt. Di serdegirtinan de endamên Meclîsa Ciwanên Rihayê ya Partiya Wekhevî û Demokrasiyê ya Gelan (HEDEP) Enes Rakim û Muhammed Ozkan hatin binçavkirin.

Hat zanîn ku bi ser malên endamê Meclîsa Partiyê (PM) ê HEDEP’ê Muhammed Ayten û rêveberiya HEDEP’a Rihayê Fîlînta Aras de jî hatiye girtin lê ji ber ku ne li malê bûn, nehatin binçavkirin.

Sedema binçavkirinan nehat zanîn û dibe ku hejmara binçavkiriyan zêdetir bibe.